Ilha do Pico, Açores

Ola! Somos Inés Bugallo e Iván Sobrado e estamos de Erasmus na Ilha do Pico, nas Açores. Por sorte, aquí todo é diferente en canto á pandemia. Debido aos poucos casos que se deron (actualmente 0 na Ilha do Pico) case parecía que non existise o Covid. Esta illa, destaca polo seu gran volcán, o Pico. Algúns atravidos suben até a cima, mais agora xa non está o tempo para iso.

Visitamos varias lagoas e recunchos naturais que son realmente espectaculares, rodeados polo mais absoluto silencio ou o son da auga. A vila na que vivimos e onde se ubica a empresa non ten máis de 2.000 habitantes, polo que é un ambiente moi tranquilo e familiar. Percorrer a ilha, tanto pola costa como polo interior, é fascinante.

Foi unha experiencia nova e satisfactoria. Recomendamos esta illa preciosa e acolledora, xa que non estivemos moito tempo ou nada nas outras illas.

Grazas á EAV por brindarnos esta oportunidade xunto co programa Erasmus+. Dende as Azores despedímonos. Só nos queda unha semana neste paraíso, pero voltaremos.